Birmingham, 7 March : Badminton te Lakshya Sen prestigious All England Open Championships laga Men’s Singles semi-final te enter kori dise. Itu tournament Birmingham te hoise.
Lakshya quarter-final te China laga Li Shifeng ke 21-13, 21-16 score te kal rati harai dise.
World number 12 Lakshya Sen etiya semi-final te Canada laga Victor Lai logote aji last four match te khelibo.
Itu stage pohoribole Lakshya agey Hong Kong laga Ng Ka Long Angus ke Round of 16 match te Thursday din harai dise. Itu agey, Tuesday din first round te tai top seed aru defending champion Shi Yu Qi ke bhi harai dise.
Etya Lakshya Sen he ekmatra Indian player ase juntu tournament te baki ase, karon Mixed Doubles pair Dhruv Kapila aru Tanisha Crasto Hong Kong laga Tang Chun Man aru Tse Ying Suet logote match time te retire kori dise
Add Comment