All We Imagine As Light tu France te release hobole asey

New Delhi, September 25 : Filmmaker Payal Kapadia laga ‘All We Imagine As Light’ tu France laga theatre te October 2 te release hobole asey. Etu film laga lead actor Kani Kusruti para Wednesday din te koisey. Etu news tu etu Malayalam-Hindi movie aro 77^th Cannes Film Festival laga Grand Prix award laga winner ke Rana Daggubati laga production house Spirit Media para September 21 te Kerala laga bisi komti theatre te release kora picheyte ahisey. ‘All We Imagine As Light’ kuntu laga title tu Malayalam te ‘Prabhyay Ninachathellam’ asey etu film te Kerala laga duita nurse Prabha(Kani) aro Anu(Divya Prabha) laga kahani dikhai kun khan Mumbai tee key logotey buhi thakisey. Etu tu India laga Chalk and Cheese Films aro France laga petit chaos majotey ekta official Indo-French co-production asey. Kani kun etya Paris te tailaga co-star Divya logotey asey, tai para ekta Instagram post te etu film France te release hobole thaka laga bari te post kurisiley. All We Imagine As Light ke Spirit Media para India laga sob dangor seher te ekta ekta koikina release kuribole asey. Etu movie para etu saal laga Cannes Film Festival te ekta etihas banaisey, kotey etu film tu prestigious Grand Prix jita first Indian film hoisey. Etu film  tu 30 years te European gala laga main competition te pungcha first Indian film bi thakisey.