Allergy toh ami khan laka immune system kitia najaneh bimari puka lok kurenah gao jawab deh khe koi. Etu najaneh puka khan toh allergen koi. Aro etu khan kha loa, powder phul aro ghas para ula (pollen) khe koi.
Apuni laka immune system laka kaam toh bimari biya gao teh lagiboleh nadibo karneh ase. Etu ki bimari gao teh diktar dibo aseh, etu khan khe hatai. Allergen ki laka kisem ase etu opor teh ami khan gao khujili, julina thaka nohoilebi sneeze kureh.
Allergy laka symptom: apuni khan allergy karneh symptoms pah toh kisem bishe ase, aro etu toh apuni kilaga allergy dhurina ase etu opor teh hubo. Apuni Jodi allergy lagibo nishena teh dawai khai loileh lageh lebi, eman diktari toh napabo.
Kha loa laka allergy; kha loa laka allergy toh gao phulibo, ulti lagibo, joldi duk pabo. Olop homoi lagibo amu khan kha loa khaina allergy huishe kuina. Kha loa khai picheteh bishe diktari painah thakileh doctor lokot saina bhal kureh loa hi bhal ase.
Seasonal allergy; hay fever symptoms toh surdi bukhar nishena ase, nak bon thakibo, suku phulibo, nak pani bishe ulabo. Bishe bhak amikhan nijor ghor para etu bimari sailubo pareh dawai khai loinah. Bishe diktari paijai lehi doctor lokot jabi.
Allergy bishe biya; allergy bishe lagina thaka toh anaphylaxis huijabo. Etu toh jaan khatara teh huijaibo aro saas luboleh diktari bi huijai, matha halka hubo, aro sense harijabo. Apuni etu symptoms khan laginah ase kuileh doctor lokot joldi jabo lageh. Sob manu laka symptoms alak thake.
Chamara teh allergy thaka; chamara teh khujile huinah thaka toh allergy laka symptom ase. Kutha kutha apuni kha loa allergic saman ektah khaishe, enika hoileh apuni muk aro golah teh khujile lagibo, aro chamara teh khujili bi lagibo.
Skin allergy khan rashes thake, chamara teh jaka kunba khujili huina thakibo, lal thakibo nohoileh phulina thakibo, aro bikha bi thakibo aro khujili lagibo.
Gola bikha, gola teh diktari nohoilebi julibo. Suku phulibo, suku pani bishe ulabo aro suku phulibo. Khujili lagibo, julibo, gao teh juleh thaka janibo aro kamureh nishena bikhabo. Rash huina thaka sobse bishe allergy huina dikhe.
Allergy kileh hoi; pura likha munu khan janibo naparina ase kileh gao teh immune system khan allergy huboleh deh kitia taikhan bahar puka khan lok kurileh.
Allergy toh khun tehbi thaki, etu maneh ama aro baba khan allergy ektah thakileh bacha khan bi lagiboleh chance thakeh. Hoilebi bishe bhak toh enika nathakeh, kutha kutha aopuni ama maas khaileh allergy lageh karneh apuni bi lahibo kuinah toh nai.
Saman bishe bhak kiteh allergy lageh koileh, kha loa khan nuts, anda, wheat, duut khan khaileh kunba manu toh gao teh allergy huijai. bee khan kamuri lehbi kunba gao teh allergy hoi, ghas aro phul teh powder nishena ulah khan para bi lageh jai.
Seasonal allergy toh hay fever kuinah bi janeh, aro etu allergy manu bishe lokot huina thakeh, etu khan phul aro ghas para lageh. Suku pani bishe gereh, nak teh pani bishe huijai, khasi kureh aro suku khujile lageh.
Sobse bhal dawai allergy nalagibo karneh toh saman ki teh allergy lageh etu khan nakhabi aro nachoileh bhal ase, hoilebi apuni lagishe koileh dawai para bhal kuribo pareh.
Immunotehrapy manu bishe kureh, etu toh injection bishe sal lagai aro ami khan gao allergy huboleh nadeh huijai. allergy khun test bi kurina sabo pareh. Skin test bi kuribo pareh.
Amikhan bhapna thakeh allergy khan lageh toh choto bimari ase, hoilebi kunba allergy toh jan diktari teh rakhede, heart rate bishe joldi kurideh, muk phuli jai. Anaphylaxis kun ase etu khan allergy lagileh kikuribo lageh laka jankari luinah tayar thakibo lageh.
Add Comment