January 2024: Indian aro Maldives laka jamala time deh, Alliance Air, kuto Lakshadweep keh serve kura khali ekta airline ase, etu tho extra flights kan initiate kuri ase island deh jab oleh mun passenger kan karne. Taikan laka official handle X Alliance Air deh taikan para etu kobor tho post kuri shae aro etu liki shae,” Itia additional flight. @PMOIndia @Officejmscindia @JM_Scindia.”
Alliance Air hotai din ekta 70 seater aircraft operate kureh Island deh. Airline tho total capacity deh operate kuri ase aro March tak laka tickets kan sob bikai di shae, ekta official kun Alliance Air lokot associate ase, tai para kui shae. Etu mamla deh kotha kura time deh, official para flight tho ek hapta deh tui din operate kuri bo kui shae Sunday aro Wednesday din deh. Airlines tho Kerala laka Kochi aro Lakshadweep laka Agatti island majo deh flights kan bolai.
Add Comment