New Delhi, 13 June : Alliance India karne politicians aru MPs ke contestants hisab te anibole kosis cholise
Prime Video aru Banijay Asia para official contestant list announce koria age pora bhi Alliance India etiya sob pora bisi charcha hoba projects majot ekta hoi jaise. Show tu March 2026 te Prime Video laga content slate reveal somoy officially announce korise.
Sources laga hisab te, makers para etu reality series karne bisi dangor legal framework ready kori ase, karon taikhan politicians aru Members of Parliament (MPs) khan ke contestants hisab te anibole try kori ase.
Source para koise ki production team para Delhi-based ekta leading law firm ke onboard anise contestant agreements, NDAs (Non-Disclosure Agreements), contracts aru dusra legal processes handle koribole. Reality shows te legal teams thaka normal ase, kintu Alliance India karne jiman legal preparation cholise, etu industry standards hisab te bhi alag kuina mana jai ase.
Reports hisab te, entertainment industry bahirote thaka prominent personalities logot discussions bhi hoise. Etu majot politicians aru Members of Parliament khan bhi thaka pare kuina kotha uthi ase.
Kintu etiya makers para final contestant roster disclose nakorise. Kunba political personality ke approach korise niki nohoi, etu karne bhi official confirmation dianai.
Show laga format aru competition keneka hobo, etu details bhi etiya secret rakhi ase. Alliance India karne official announcement ahile he contestants aru format karne pura picture clear hobo.
