New Delhi, 22 September : Allu Arjun aru director Atlee laga upcoming film Raaka motion-capture technology use kori Guinness World Record bonaisе. Film laga production team Tuesday te announce korise ki 37 performers ke eki time te motion-capture kori record set korise.
Itu record bonabo karone 4 saal para 70 saal age laga 37 performers ke eki logot capture korise. Production te total 92 cameras use korise, juntu performers laga movement digitally record koribo karone use hoise. Sun Pictures, juntu film produce kori ase, tai social media te record announce kori Allu Arjun aru Atlee laga certificate dhora photo share korise.
Film laga “37” number loi makers kunba din dhori mystery create korise, aru etiya Guinness record announce kora pichete itu number laga reason clear hoise. Allu Arjun laga international project hisab te Raaka loi already fans majote bishi interest ase.
