Mumbai, 16 December : Allu Arjun laga blockbuster film Pushpa 2: The Rule dunia laga box office te record todibo continue kori ase, tai laga recent arrest aru fan laga maut laga controversy majote thakibo switi bhi. Sukumar laga directorial December 5 te release hoise, aru second Monday laga hisab te ₹1300 crore cross korise box office te.
Sacnilk laga report hisab te, Pushpa 2 11 din majote ₹1302.60 crore collect korise box office te. Itu collection Sunday te bisi bara hoise, aru itu laga karone Pushpa 2 Yash laga KGF Chapter 2 laga lifetime collection ₹1215 crore ke bhi beat korise.
Tai pichite, Pushpa 2 Shah Rukh Khan laga Jawan laga lifetime haul ke bhi todise, aru SS Rajamouli laga RRR laga record ₹1309 crore ke todibo nimite taiyari kori ase.
India box office te Pushpa 2 ₹902 crore collect korise, aru Sacnilk laga hisab te itu prothom Hindi film ase jun second weekend te ₹100 crore para bishi collect koribo parise.
Allu Arjun Friday din arrest hoise tai laga ekta fan laga maut Pushpa 2 laga premiere te connection te. Saturday morning tai jail pra release hoise, aru tai laga residence te tai ke support kuribo bishi stars ahi loise. Sunday din tai ekta statement te clarify korise ki tai laga legal team advice dise ki itu time te tai family aru fans ke meet nakoribo.
Pushpa 2: The Rule 2021 laga superhit Pushpa: The Rise laga sequel ase. Itu film te Rashmika Mandanna aru Fahadh Faasil bhi important role te ase.
Add Comment