Allu Arjun laga film Pushpa The Rule postpone hoisey, monduk huwa fans khan court te jabole dhomki disey

New Delhi, June 18: Allu Arjun laga blockbuster film ‘Pushpa: The Rise’ laga second part laga release tu postpone hoijaisey. Kuntu para fan khan majotey gusa uthaidisey. ‘Pushpa :The Rule’ tu August 15 te release hobole thakisey. Hoilebi etya etu date tu postpone kurikina December 6,2024 kuridisey. Etu expect nukurikina thaka delay para fan khan laga mon bhangaidisey aro gusa koraidisey. Bisi fans khan tu social media te enaka kora tu khusi napaikina asey koikina dikhai asey. Ekjun fan para etu film laga makers khan laga khilaf te fan laga emotion(bhabna) logotey khila nimitey case file kuribole dhomki tak disey. Release date postpone kora laga khobor tu Pushpa film laga makers khan para announce kurisiley, kun khan para baki shooting aro postproduction kaam ke complete kuribole nimitey extra homoi laga jarurat asey koisey. Taikhan para samjhaisey ki taikhan tu ekta high quality film deliver kuribole nimitey committed asey. Aro koisey ki taikhan tu final product te compromise kuribole mon nai. Hoilebi enaka samjha para bi film ke sabole ekdam mon thaka fan khan laga disappointment (khusi napaikina thaka) ke komti kuribole paranai.