Mumbai, May 28 : Indian film laga scene tu bisi bodli hoijaise; dangor movies banaikina, bisi poisa lagaikina, deshbhor te screening kurikina aro interesting casting kurikina bisi dangor bodli anisey. Bollywood aro South Indian movies laga fusion(mix kurikina bana) tu ekta bisi dangor change asey aro etu duita milikina ekta pehchan hoi asey.
Aro etu bodli ana laga picheyte haat asey Telugu actor, Allu Arjun laga kun laga pura India te pehchan asey. Tailaga film khan pura desh bhor te release huwa para film khan te bhasa nimitey badha aha tu dur kuribole laga jarurat thaka tu janai asey.
Allu Arjun para latest TV talk te, Bollywood laga etya laga situation te tailaga vichar janaikina etu ke wapas dangor kuribole nimitey tai para modo kuribole laga icchashare kurisey. Taikey manu khan para tailaga kaam pura mon dikina kora nimitey aro sob badha aha ke face kuribole monjur huwa huwa nimitey khusi pai. Etu para tailaga India laga ekta sobsey bisi depend kuribole pariya celebrity laga izzat ke majboot kuridisey.
Allu Arjun para Indian cinema dangor hobole te tailaga akha thaka vichar share kurisey. Tai para kisim-kisim genre available thaka aro film bana laga purana tarika ke hataikina nutun kahani nohoilebi tarika apnabole laga jarurat asey koikina janaisey. Tai para Indian film laga unique(dusra khan para alag thaka) nature te bi dhyan khichisey kuntu te action, love, humour(hasaidiya) aro jordar drama nisna alag alag genre asey. Tailaga goal tu Bollywood ke duniya laga film industry logotey join kuribole nohoilebi milabole laga asey. Kuntu para cinema laga ekdam alag experience offer kuribo aro duniyabhor te film sa manu khan laga mon jitibo.
Add Comment