AGENCIES: Actor Allu Arjun para olop akhe te seventeen sal khotom kurishe film industry te aro etia etu ekta Ala Vaikuntapuramaloo star toh etu ekta dangor way para mangibole muni thakishe ami khan ke bi koishe .Hoilebi nature logote dusra plans khan ase.
Allu Arjun team laga source koishe ki “Etu sal toh Allu Arjun nimete bishi bhal thakishe kile koile toh tai laga last film Ala Vaikuntapuramlo toh industry te hit hoishe .”Aro etu uporte etu actor toh tai laga industry laga 10 sal manabole kurishe ekta dangor way para aro sob directors khan ke matishe tai kaam kura toh April te ekta party nimete .Hoilebi coronavirus laga dikdaar para etu idea toh bondh kuribole olaishe.
Etia Allu Arjun laga baba Allu Aravind bi sai thakishe etu event te kaam kuribole nimete etu toh etia hataidikena ase.
“Team khan aro bi bhabona kuri ase etu toh aro bi kuribole nimete normal te wapas aha pichede hoilebi etu toh bishi joldi ase kubole nimete.”
Etia Internet aro social media te manu khan Allu Arjun laga noksa viral huwa te kotha kuri ae etu te tai ke chehra te mask lagaikena supermarket te jaa dikhishe.
Etia etu actor toh bahar te olaishe supermarket te samaan khan kinibole nimete hoilenbi supermarkets te manu khan ghussibole nadia nimete Allu Arjun toh advantage loishe.
Add Comment