Mumbai: Actor Alok Nath pora Vinta Nanda, writer aro TV producer kun pora koishe etu actor pora tai ke harassed kurishe 90s te laga khilaaf te defamation case kurishe .Etu ola toh ek haafta akhe Nanda pora tai laga kisaa koishe Facebook te etia jai thaka #MeToo movement karne .Times of India laga khobor hisaab te tai khan pora Re 1 defamation suit kuribole ase etu maiki uporte. Andheri metropolitan magistrate te complaint file kura pichede Nath aro tai laga maiki pora suburban Amboli police station ke koishe etu chitti toh sabi koikena etu te tai khan pora Nanda laga khilaaf defamation proceeding kurishe.Nanda toh 90s laga teleserial ‘Tara’ laga producer aro writer thakishe .Etu serial te Nath lead role te thakishe.Tai laga post te Nanda koishe Alok Nath pora tai ke harassed kurishe .Etu nimete Nath ke etu show pora dishe. Bollywood actors Sandhya Mridul and Deepika Amin pora bi Alok Nath ke bodnam kurishe biya kaam kura karne aro social media te tai khan laga kisaa koikena janaishe . Veteran actress Himani Shivpuri pora bi Alok Nath laga adat toh sob manu khan janeh Industry te aro tai ke aeroplane pora olaijabi koishe etu eki reason nimete .Etu #MeToo movement pora bishi naam bonaishe India te Tanushree Dutta pora veteran actor Nana Patekar ke bodnam kura pichede harasshment .Etu huna pichede enika chamela laga kisaa khan olaishe etu pora social media hilaidishe.
January 11, 2025
World's First and Only Nagamese Newspaper
Add Comment