Argentina, 6 May : Alpine Racing etiya sochi thakise Jack Doohan ke hatai dibole aru Franco Colapinto ke rakhile next Formula One race karone, jun Imola, Italy te hobo — ESPN Monday din report korise.
Doohan, 22 saal laga aru motorcycle superstar Mick Doohan laga son, etiya season te 6ta race te ekta point bhi nai pai se, aru 2024 last te ekta point loi se.
Doohan laga future khan loike doubt te ase, karon Alpine season shuru hobar age Argentine driver Franco Colapinto ke Williams para reserve driver hisebe sign korise.
Colapinto last year te Williams karone 9ta race korise, juntu time te American Logan Sargeant ke hatai diya por replace kori thakise. Tai 5 point score korise aru best finish hoise 8th position te Azerbaijan te.
Colapinto laga naam hamesha Doohan laga replacement hisebe uthai thake, karon Doohan laga rookie season etiya loike bhal nai jabo thakise.
Report hishap te, Argentine energy company YPF laga CEO Horacio Marin ekta interview te microphone off thaka time te koi dise ki Colapinto gari chalaibo May 18 Italy laga race te.
Doohan laga bura performance karone speculation besi barhi jaise — March 16 Australia Grand Prix te first-lap crash hoise, China Grand Prix te week por 4ta penalty point paise, aru April 6 Japan Grand Prix te second free practice session te crash kori dise.
Sunday laga race te Doohan New Zealand laga Liam Lawson laga Racing Bulls logot opening lap te collision kori retire korise, aru taikan Alpine team boss Ollie Oakes laga regular media session bhi cancel korise.
Alpine team etiya constructors’ standings te 10 team te pora 9th position te ase.
Doohan, kintu, Miami Grand Prix te Liam Lawson logot opening-lap incident hobar por bhi nijor morale uthai rakhi ase.
Add Comment