September 19, 2026: 23 sal maiki kun ke gari para thungai kena morai de she tai laga uber driver para ekta southern California highway te rukhea piche, tai laga ama aro baba ke $40 million de she, ekta judge para Uber aro driver ke guilty pa piche maiki murea opor te.
Carol Normandin aro Ken Parker para Friday te koi she ki, tai khan babna ase ki etu puisa toh ekta spotlight de bole pare bo 2023 te tai laga bacha, Emily Normadin-Parker murea opor te, aro puisa toh cholai kena ekta kara safety standards aro transparency bana bole ase, taxi laga industry te.
Emily murea laga rati te, tai para ekta Uber order kure she tai aro tai laga sathi karne ghor te jabole. Tai laga sathi ulti kurea karne, driver Vu Tran toh Route 73 te side kure she, aro tin jun be gari laga bahar te olai she, etu time te ekta gari ahe kena Emily ke thungai de she.
