Amazon Prime para Mumbai Diaries 26/11 series olabo ase

Mumbai: November 27, 2020. Amazon Prime Video para tai khan laga first web series Mumbai Diaries 26/11, 12th anniversary 26/11 hamla kora laga  olaboli sai ase. Etu series para frontline heroes kaun khan besi dhuk aro katara din thakishe etu te saman thishe. Series toh Nikkhil Advani para bona ase aro Mumbai Diaries 26/11 te stars khan toh Konkana Sen Sharma, Mohit Raina, Tina Desai aro Shreya Dhanwanthary aro dosura manuh khan thakibo. Terror hamla November 26, 2008 te melikena, Mumbai Diaries 26/11, medical drama para kisa kowa te doctors, nurses, paramedics aro hospital staff, khan para desh hamla kora samai te narokina manuh laga jeevan pachaboli kam korishe. Etu series toh the OTT platform te March 2021 te thikabo koishe. Mumbai Diaries 26/11, laga kotah kora samai, series laga director, Nikkhil Advani para koishe, “desh te etu rati ketai hamla korishe etu samai Mumbaikars khan kotha korishe. Films aro shows besi para etu laga kisa bonaishe hoilebi, kaun para be doctors khan laga toh kora nai. Medical drama hesab te ami khan para dhuk din thaka laga toh doctors nemite celebrate koribo mon ase, tai khan para jaan besi pachaishe aro etu yaat thakiboli lage koishe. Mumbai Diaries 26/11 toh Nikkhil Advani para bonaishe aro Emmay Entertainment khan para olai thishe.Etu series toh Nikkhil Advani aro Nikhil Gonsalves para directed korishe.