Amelia Valverde ke Senior Indian Women’s Football Team laga Coach appoint korise

Turkiye, 21 January : All India Football Federation (AIFF) pora Amelia Valverde ke Senior Indian Mahila Football Team laga coach hisab te appoint kori dise. 39 saal laga Valverde, Costa Rica pora ahise, etiya Türkiye laga Antalya te Indian camp te join kori ase, juntu jagah te Blue Tigresses khan AFC Women’s Asian Cup Australia 2026 laga tayari kori ase. Itu tournament March mahina te hoibo laga ase. Tai etiya existing coaching staff — Crispin Chettri, Priya PV aru Mario Aguiar — logote kaam kori thakishey, Indian Senior Mahila Football Team ke aru bhal pora strong kori bole.