September 20, 2020. US West Coast te wildfires para manuh besi dhuk kora nemite American airplane giant Boeing para $700,000 motob thiboli junaise. Friday din, Boeing para koishe ke, American Red Cross logot $500,000 thikena fire relief nemite Washington, Oregon and California te motob koriboli ase koikena Xinhua news agency para khobor thishe. Baki $200,000 toh desh khan te company manuh kam kora aro thaka chaka te food assistance nemite ase koishe. “ami khan laga Thousands ghor manuh aro ghor osor manuh khan west chaka te alag- alag hoishe’ koikena etu chaka laga president aro CEO of Boeing Commercial Airplanes aro company’s senior executive, Stan Deal para koishe. “tai samay ami khan para motob thiboli laga echa ase”. American Red Cross laga chief development officer, Don Herring para koishe,
Boeing para support kora nemite besi kushi janai ase aro etu oper te virus bemari thaka samay tai khan para extra hosari kam korikena wildfires te manuh khan dhuk te motob kora nemite kushi janai ase. Wildfires para etai dak te 30 manuh morikena ase aro thousand manuh khan ghor nathakina ase koikena BBC para khobor thishe. US National Interagency Fire Centre para koishe ke, etu chaka te firefighters para 106 wildfires logot larai kori ase. California aro Oregon chaka te besi beya para lakina ase. National Interagency Fire Center hesab te etu saal pithor te 6.7 million acres neshina jui para julikena ase koishe.
Add Comment