US, 27 May 2025: American Idol laga season finale te sob fans khushi aru excited hoi jabo laka performance dekhi thakishe. Finalists khan Jamal, John Foster, aru Breanna Nix dangor-dangor performance dishe. Judges Carrie Underwood, Luke Bryan, aru Lionel Richie teentha finalists ke bhal comments dishe. Kintu ekjon hi winner thakibo pare, aru etu winner ase Jamal!
Season to joldi keneka khotom hoishe, fans khan beshi dheri rokibole nalage. American Idol to confirm kori dishe—etu show wapas ahi ase! Finale hobo age-te, Instagram-te ekta exciting news post kori dishe. Taikan likhishe: “Dim the lights… here we go,” aru add kori dishe, “#AmericanIdol is coming back for another season!”
Season 24 (kintu etu season 9 hoishe ABC channel te shift kuri kina) to 2026-te start hobo. Episodes sob Sunday rati 8 p.m. ET te ABC te ahibo.
Judges khan same he thakibo. Carrie Underwood, jun Katy Perry ke replace korishe 2024-te join kori thakishe, etiya wapas ahibo. Carrie American Idol ke bhal pora jane—tai season 4 (2005) jeetishe. Tai recently YouTube series Idol to Icon te tai laka nijor journey share korishe.
Luke Bryan aru Lionel Richie bhi wapas thakibo. Host Ryan Seacrest bhi return koribo.
TV na thakile bhi problem nai! ABC laga official website-te live sabole koribo paribo. Naihole Hulu + Live TV, YouTube TV, Sling, nole FuboTV use kori kina stream koribo paribo. Sobse important—sign up korile he dekhibo paribo.
Toh ready ho bi—2026-te anik music, stars, aru surprises anobole ase!
Add Comment