Americans, Paul R Milgrom aro Robert B Wilson ke Economics te Nobel paishe

Stockholm: October 12, 2020. Monday din te US economists Paul Milgrom aro Robert Wilson para Nobel Economics Prize toh commercial auctions nemite jetishe. Etu oper te goods aro services bekaboli dhuk thaka saman neshina radio frequencies be samil ase koikena, Nobel Committee para koishe. Tai jun logot “auction theory bhal kora aro notun auction formats bona nemite ase koikena jury para janai thishe. Royal Swedish Academy of Sciences para koishe ke, Milgrom, 72, aro Wilson, 83 umer para discoveries kora nemite “Duniyaa pura laga sellers, buyers aro taxpayers khan ke laap kori thishe”, koikena statement te koishe. Winner toh 10 million Swedish kronor (about $1.1 million, 950,000 euros), tai jun pithor te share koribo koishe. Jaa saal etu saman kora toh French-American Esther Duflo, Indian-born Abhijit Banerjee of the US, aro American Michael Kremer, tai khan laga alleviating poverty te experimental kam kora nemite. Economist khan para etu sobse tangor prize bapi thakilebi, Alfred Nobel para originally juna neshina toh nai, tai laga prize toh medicine, physics, chemistry, literature aro peace nemite ase. Hoilebi etu, Swedish central bank para donation korikena dosura dushman  khan para “mesa laga Nobel” ase koishe. 2020 saal nemite Nobel season prize deya toh bondh hoishe, aro olop din agae te UN’s World Food Programme nemite peace prize thishe koishe. Etu saal maiki manuh khan bhal wala ase, American poet Louise Gluck para be literature prize paishe. Aro French maiki Emmanuelle Charpentier aro American Jennifer Doudna, tai jun toh  first maiki ase ke Wednesday din te scientific Nobel jetishe, tai jun para CRISPR-Cas9 DNA snipping “scissors” ola nemite ase koishe. Winners khan toh December 10 darik, Stockholm te formal ceremony thaka samay King Carl XVI Gustaf laga hath para nobel toh baboli koishe.