New Delhi, April 15: Prime Minister Narendra Modi pra koishey ki ‘One nation, One election’ lah implementation, kutu tai lah BJP pra kosom kai kina asey diwoley, tai lah poll manifesto dae, etu tho tai lah government lah commitment asey.
ANI lokot ekta interview dae, Prime Minister Narendra Modi pra koishey ki etu committee kutu former President Ram Nath Kovindlah chairmanship under dae asey, tai kae ‘One Nation, One Election’ lah report panawoley tayar kuriwi koishey, kutu ekta bishi bhal pra luishey.
“One Nation, One election tho ami khan lah commitment asey. Ami khan pra etu parliament dae bhi khota kruishey. Amikhan pra committee ekta bhi panai luishey. Etu committee pra bhi tai lah report submit kurishey. One Nation , One Election lah namdae bishi manu etu desh dae ahishey. Bishi manu khan taikhan lah suggestions committee kae dishey. Etu committee tho bishi bhal aro innovative suggestions paishey aro etu desh tho bishi lab pawo amikhan pra etu report implement kruishey hoiley”, PM pra koishey.
Add Comment