Imphal, April 12 : Union Home Minister, Amit Shah tu April 14,2024 te Imphal East laga Hapta Kangfeibung, Palace Compound visit kuribole nisna asey.
Tai visit kuribole ageyte, Friday din te Kh. Lokeshwar Singh, Jawaharlal Nehru Institute of medical Sciences, Imphal laga Medical Superintendent para koisey, “Etu laga mamla te, ami para apni khan ke morom kurikina Deluxe-2 ke ekta VVIP room nisna reserve kuribole mnagibole mon asey. Sob consult kora manu khan ke etu service tu VVIP khan naja tak taikhan nimitey available kuribole koisey. Biochemistry, Pathology, Microbiology aro Radiodiagnosis laga Head of Departments (HODs) khan ke investigation facility khan available thakibole dibole inform kurisey.”
Anaesthesia laga HOD ke in case kiba kibi hoisey koiley ekta Operation Theatre VVIP nimitey reserve kurikina rakhibole inform kurisey.
HOD Medicine para etu nimitey morom kurikina ekta ICCU bed reserve kurikina rakhidibi koisey.
Amit Shah tu kanoon aro beybosta laga situation ke review kuribole aro BJP aro Naga People’s Front (NPF) laga candidate khan nimitey election campaign kuribole nimitey Manipur visit kuribole asey.
Amit Shah tu April 14 te Imphal te pungchibole thaka BJP laga star campaigner khan majotey ekta asey. Aro tai tu Imphal laga Hapta Kangjeibung te ekta election rally aro meeting te bahsan dibole asey.
Amit Shah para Inner Mnaipur Parliamentary seat te BJP candidate Th Basantakumar aro Outer Manipur PC seat nimitey NDA laga sathi NPF candidate Kachui Timothy Zimik nimitey election campaign launch kuribo kuntu tu scheduled tribe nimitey reserve kurikina asey.
Manipur laga election tu April 19 aro April 26 te hobole asey.
Amit Shah tu Mnaipur te May 29,2023 para loikina June 2, 2023 tak thakisey, jitya rajya te jati laga larayi chuli thakisey.
Add Comment