Friday din te BJP president Amit Shah para koishe ke tai laga party BJP para olop saal bhitor te northeast states khan toh bodoli kuri dishe. Etu kotha toh Amit Shah para Northeast states khan te elections laga campaign kuri thaka samay te koishe.
Arunachal Pradesh te ja pichete Shah toh Manipur te jai jaishe. Manipur jag ate tai Thoubal district te Outer Manipur constituency te juwa hoi kena thaka manu khan logote kotha kurishe.
Tai koishe ke jua challis (40) saal agote North eastern council te ketiya bhi meeting huwa nai. Hoile bhi BJP government para he northeastern jaga te sob para poila meeting rakhishe. Aro BJP government para NEC laga development fund toh 258 percent para uthai dishe.
Shah para aro koishe ke state te thaka 1.3 lakh parivar khan ke muft (free) para gas melai dishe (connections).
BJP president koishe ke Manipur state te poila Congress government thaka samay te party khan toh eku bhal kaam kura nai koishe.
Tai koishe ke Congress chief minister O Ibobi para pani, mati aro dusra saman khan toh bekai dishe. Etu te sob para kimti taazapani laga lake aro Loktak bhi bhikai dishe koishe.
Shah para poila laga governemtn opor te inzam dishe ke tai khan nimite pahar te thaka manu aro ghaatee (valley) te thaka manu khan majote jhagara hali dishe.
Tai para wapas manu khan ke BJP government khan para tai khan nimite bhal kaam khan kura laga yaad delaishe.
Add Comment