New Delhi, 15 November: Friday din Union Home Minister Amit Shah toh CRPF headquarters, Delhi deh lok korise aro senior officials logode force laga operational preparedness opor deh saijaise.
Mr Shah para tai laga Official Twitter deh olob photographs post korikena koise, “Ami khan laga desh toh paramilitary force’s personnel laga ‘exemplary valour’ opor deh proud ase”.
Central Reserve Police Force (CRPF) ke 3-lakh opor personnel ase aro internal security duties aro anti-maoist operations deh lead force ase.
Mr Shah para tweet deh koise, “CRPF personnel toh alak alak terrains deh ami khan laga desh ke bachai kena hotai tai khan laga motto ‘sewa’ aro ‘nishtha’ (service aro dedication) deh thakae. Ami CRPF personnel aro tai khan laga families ke salute kori ase”.
CRPF headquarters, CGO Complex, Lodhi Road deh lok kora time deh Amit Shah para mora force’s personnel ke samaan deya thakise.
Officials koise, home minister para desh deh CRPF’s deployment aro operations opor deh kotha korise. Tai para be Jammu-Kashmir aro Maoist-affected states nemide preparedness deh saijaise.
Amit Shah ke toh ahiya time deh guard of honour deshe aro tai CRPF headquarters deh tui-khonda opor deh thakise. Tai note loise aro senior officials logode alak alak issues opor deh kotha korise.
Add Comment