Agartala, January 09 : BJP para etu saal te hobole thaka Lok Sabha election nimitey campaign kora laga his ate, Union Home Minister Amit Shah tu January 11 te Tripura visit kuribole nisna asey.
Tripura BJP laga bhitor te thaka sources para confirm kora hisap te, Amit Shah para Tripura visit kuribole thaka tu Bharatija Janata Party (BJP) laga electoral machinery ke majboot banabole aro Northeast laga etu rajya te taikhan laga support ke tagra banabole nimitey plan kora laga asey.
Amit Shah Tripura te jabole ageyte BJP party aro ministerial level khan te bi bisi meeting khan chuli asey.
Tripura Chief Minister Dr Manik Saha tu rajya laga BJP Chief Rajib Bhattacharjee, poila laga deputy CM Jishnu Dev Varma aro etu party laga alag dangor neta khan logotey rajya te jaruri meeting host kuri asey.
Amit Shah para Tripura te visit kuribole thaka laga maksat tu tu Tripura te BJP party laga standing ke majboot kuribole aro ahibole thaka election laga voting nimitey ekta foundation banabole laga asey.
Amit Shah para public gathering te kotha kuribole, party workers khan logotey baat-chit kuribole aro rajneetik naksa ke check kuribole nimitey Tripura laga local BJP neta khan logotey jaruri meeting rakhibole asey.
Hoilebi, tai ki ki kuribole asey etu laga detail schedule tu etya tak bi officially release hobole baki asey.
Add Comment