Dhanbad, 15 December: Saturday din Union Home Minister Amit Shah koise tai toh etu moina last phali Meghalaya Chief Minister Conrad Sangma ke lok kuri kena meeting lobo. Etu toh hoile The Citizenship (Amendment) Act karni para state deh issue thaga thek kuribole nemide ase.
Shah para public rally lowah time deh koise, “Ami khan Citizenship (Amendment) Bill logode othise. Refugees ke Hindu, Buddhist, Christian, Parsi aro Sikh communities khan kon nejor laga desh deh religious persecution para ahise aro ektum beya jevaan thaki ase. Tai khan ke thek food, job aro medical care napai kena ase. Tai khan ke citizens bonabo na nabonabo? Congress koise etu toh anti-Muslim ase. Tai khan para ami khan ke anti-Muslim toh triple talaq anna time deh koise aro surgical strikes korise aro etita CAA deh. Hoilebe apuni (Congress) toh Northeast deh violence olabole he mon ase”.
Tai koise, “Ami para apuni (Assam aro Northeast) ke kobo mon howah toh, Prime Minister Narendra Modi-led government ke language, culture, social identify aro manu laga political rights bachabole aro bachai rakhibole nemide zamidari ase”.
Shah koise, “Jowah kali Meghalaya CM toh state deh dekthari pai thaga nemide ami ke lok korise. Hoilebe tai para koise, CAA deh olob putli toh kuribo lakae. Ami para Conrad Sangma ke Christmas bechide ahibole aro dekthari pai thaga ke thek kuribole nemide kotha kuribole koise. Kon hoilebi bhoi hobole kaam nai”.
Meghalaya laga Chief Minister toh Friday rati Shah ke lok korise aro Central government para state deh Inner Line Permit (ILP) implement kuribole koise.
Citizenship (Amendment) Bill, 2019 suru howah time deh Northeast laga alak alak parts deh protest toh olaise.
Citizenship (Amendment) Act para December 31, 2014 nahowah agae deh India deh kusha Pakistan, Afghanistan, aro Bangladesh laga Hindu, Sikh, Buddhist, Parsi aro Christian communities ke Indian citizenship pabole ase. Hoilebe Act toh “The Inner Line” thaga areas deh apply nahobo.
Add Comment