Aizawl, September 27, 2026: Union Home Minister Amit Shah toh Mizoram te ahe bole beshe chance ase October 5 te aro beshe development projects inaugurate kure bole ase, government officials khan para enia koi she . Thik itinerary toh etia be pai nai, hoile be kam khan shuru kure de she, officials khan para enia koi she. Home Minister toh Youth Recreation Centre te be jabole ase Falkland Veng te. Aizawl Deputy Commissioners Lalhriatpuia para ekta notice issue kure she, kute Lengpui aro Youth Recreation Centre laga rasta te gari khan park kure bole mana kure de she, Union Home Minister laga programme toh aram para jabole debole karne. Utu rasta te petrol pump thakea khan ke be bon kure bole laga order de she Shah ahea homoi. Aro manu kun order laga hesab te jai nai koile toh strict action lobole ase koi she.
Amit Shah toh Mizoram te ahe bole beshe chance ase October 5 te, kam khan shuru hoi she
