Amitabh Bachchan COVID-19 negative paikena hospital para olaishe

August 3, 2020. Sunday pujur te Bollywood megastar Amitabh Bachchan tuh COVID-19 negative test paikena hospital para olaishe koishe. Megastar tuh, July 11 darik te COVID-19 positive test paa nemite Mumbai laga Nanavati hospital te admitted hoishe. Hospital para ola beche, actor Amitabh Bachchan tuh tai laga ghor Mumbia pongchese koishe. Tai para koishe ke, protocol hesab te quarantine room te thaki ase. Etu khobor tuh tai para share kurikena Sunday din facebook te koishe ke, “aji pujur ami logot COVID negative paikena hospital para olaishe. Etai ami ghor te ase aro ami quarantine room te bohi ase,” “Jesur laga morom para aro Ma Babuji laga blessing aro osor aro thur te thaka sati aro fans aro EF khan laga parthana para bhal hoishe. Nanavati hospital laga care aro nursing khan para ami ke bhal elach kura nemite aji din tuh saboli pariase. Ami besi dunyabad thiase,” koikena Bachchan para koishe. Bachchan ke last samay thika tuh comedy-drama ‘Gulabo Sitabo’ film te ase aro etu film tuh Shoojit Sircar para bonaishe. COVID-19 bemari nemite etu film tuh Amazon Prime Video te thikaishe. Bachchan laga ahiboli film tuh ‘Jhund’, ‘Brahmastra’ aro ‘Chehre’ ase.