Friday, October 24 – Veteran actor Amitabh Bachchan emotional tribute dishe legendary adman Piyush Pandey ke, juntu October 24 tarikh, Mumbai te 70 saal te expire hoijai she. Bachchan eneka koishe, “Ekta creative genius aru ekta amiable friend thakishe,” aru tai olop time share kori thaka professional bond aru Piyush Pandey laga Indian advertising te contribution ke smorone rakhi ase.
Tai laga official blog te Bachchan likhi dishe, “Tai laga creative works toh hobo ekta eternal emblem of immeasurable creativity.” Tai duijun mili kina bishi memorable campaign bonai thaka ase — juntu majote government laga “Do Boond Zindagi Ki” polio awareness drive aru onek popular brand advertisement bhi ase.
Piyush Pandey, juntu Ogilvy India laga Executive Chairman aru Global Chief Creative Officer thaki ase, India laga advertising face ke pura change kori diseh. Tai laga iconic campaign khan — jaishe Fevicol laga “Jod Ke Rakhe Hamesha”, Asian Paints laga “Har Ghar Kuch Kehta Hai”, aru Cadbury laga “Kuch Khaas Hai Zindagi Mein” — India laga culture te milai jaishe.
2016 te Padma Shri award pabo para, tai ke “father of Indian advertising” bhi kwa jaishe, karon tai Indian audience laga emotion, humor aru everyday life ke bhal para bujhi thakishe.
Tai laga death para creative world te ekta bishi bara void ahi jaishe. Film, corporate aru media world para tribute ahishe. Bachchan laga kotha te, “Tai ke sob manu smorone rakhibo — ekjon finest mind aru kindest soul idea laga duniya te.”
Add Comment