Agencies, 02 April: Megastar Amitabh Bachchan para coronavirus dawai laga first dose loise koise. Official blog te, 78 omar actor para tai laga bacha Abhishek Bachchan ke chari kena sob family member para coronavirus dawai laga first dose toh loise koise. Jowa moina Mr Bachchan para tai joldi dawai toh lobole ase koikena janaideya thakise. Amitabh Bachachan para lekha, “Vaccination korise. Sob thek ase. Family aro staff logote jowa kali COVID test korise. Results aji ahishe. Sob thek ase, sob negative ase. Vaccine korise”.
Veteran actor para be vaccine centre te dawai loi thaka laga noksha post korise. Abhishek Bachchan toh Agra te tai laga upcoming social comedy “Dasvi” nemite thakise aro actor para shoot kora toh Thursday te kothom korise koise.
Jowa sal Amitabh Bachchan, Abhishek Bachchan, actor-daughter-in-law Aishwarya Rai Bachchan aro tai laga granddaughter Aaradhya Bachchan toh coronavirus nemite positive test powa thakise. Amitabh Bachchan toh vaccinate kora latest Indian film celebrity ase. Etu agae te Salman Khan, Sanjay Dutt, Sharmila Tagore, Dharmendra, Hema Malini, Mohanlal, Jeetendra, Kamal Haasan, Nagarjuna, Rohit Shetty, Neena Gupta, Rakesh Roshan aro Johnny Lever para vaccinate kora thakise.
Kaam te, Amitabh ke five releases lined up ase. Tai toh Rumi Jafry’s psychological suspense drama Chehre te debo aro etu te stars actor Emraan Hashmi aro Rhea Chakraborty be thakibo. Tai be Mayday nemite shooting kori ase aro etu te Ajay Devgn para direk korise aro Rakul Preet Singh be ase. Tai ke be Jhund aro Brahmastra aro untitled film ase aro etu te tai screen share kora toh Prahbhas aro Deepika Padukone logote ase.
Centre para sob 45 omar opor manu khan COVID-19 vaccination toh April 1 para koribole janai kena ase.
Add Comment