New Delhi, 17 March : Actor Amitabh Bachchan abhi bhi 82 saal age te Indian cinema te supreme thakise. Ekta naya report hisab te, tae laga earnings financial year 2024-25 karone ₹350 crore thakise, aru tae ₹120 crore tax payment bhi korise.
Tae laga income streams khan film projects, endorsement deals, aru popular game show Kaun Banega Crorepati host kura milaikina ase. Report hisab te, Amitabh Bachchan sab pora highest tax-paying celebrity hiseb te first position te ahise, aru Shah Rukh Khan ke bhi surpass korise. Last saal, Shah Rukh Khan ₹92 crore taxes pora payment korise.
Pinkvilla laga report hisab te, Amitabh laga earnings financial year 2024-25 karone ₹350 crore thakise, aru itu pora ₹120 crore tax liability thakise.
“Dangor dangor feature films khan Indian Cinema te kuri kina aru most of the brands karone top pick thakise – Amitabh Bachchan ekta actor ase jun 82 saal hobo bishare bhi bisi demand te ase. Tae Kaun Banega Crorepati te bhi most loved host ase. Itu sob income sources milaikina ₹350 crore hobo, jun ekta individual hisab te film fraternity te highest earnings te ase,” ekta source outlet te koise.
Insider alak pora reveal korise ki Amitabh March 15, 2025 te last installment laga advance tax ₹52.50 crore payment korise.
“Tae abhi bhi sob Indian manu karone ekta role model ase aru tae sob taxes timely payment koribole bisi monot rakhe. Amitabh Bachchan 2025 karone naya exciting projects sign koribo karone committed ase, aru tae laga fans khan logot ekta mark chari jabole try koribo,” source alak pora add korise.
Amitabh abhi popular TV quiz show Kaun Banega Crorepati (KBC) 16 host kuri thakise. Film front te, Amitabh last time Vettaiyan aru Kalki 2898 AD te dekha paise. Vettaiyan te tae Rajinikanth logot dekha paise, aru itu film te tae aru Rajinikanth tinita decade pichete screen te milise. Itu film October 10 te theatres te release hoise.
Next tae Ribhu Dasgupta laga courtroom drama Section 84 te dekha jabole ase. Alak pora tae Kalki 2898 AD laga sequel te bhi dekha jabole ase, jun tae Nag Ashwin pora direct koribo.
Add Comment