New Delhi, July 9, 2025: Bollywood superstar Amitabh Bachchan official Kaun Banega Crorepati (KBC) Season 17 laka tayari shuru korishe. Tai nijor blog te photo share korishe, juntu te dekha jai ki tai KBC laka famous kursi te boi ase, computer setup logot. Tai ekta jacket, chasma aru ekta white cap lagai ase. Tai likhishe, “Shuru kar diya kaam… to be back to the people… the opportunity that changes lives.”
Etu update aishe etu time te juntu khobor uthishe ki Salman Khan KBC host hobo pare. May month te media speculate korishe ki Salman Khan ke replace koribo pare. Kintu show laka officials, na to Big B, confirm kuranai.
Ekta source juntu show logot jura ase, eneka khobor ke “bizarre” aru “false” koi dishe. Tai jani dishe ki KBC to Big B logot judi jaishe, aru promo, poster aru audition announcement sob te tai he dekha jai.
KBC Season 16 laka last episode March te aishe. April te show announce korishe ki Season 17 registration April 14 te shuru hobo, aru audition aru contestant select koribo. Filming July te start hobo, aru show August te launch hobo.
17 season bitore, Amitabh Bachchan 15 season host korishe—tai KBC laka mukh hobo juntu fans laka mon te deeply pashi jaishe. Ketiaba break loi kene bhi, public etia tak tai ke KBC laka atma hisap dikhe.
Season 17 ahibole ase, aru fans etia lagi ase Big B ke dekhibole, juntu sopna pura koribo aru jibon change koribo.
Add Comment