Kohima • Nagaland

Amrit Kalash Yatra karne send-off program Kohima deh lui shae

October 27, 2023
9 Views

October 25, 2023: Meet Maati Desh laka pitor deh Amrit Kalash Yatra laka send-off programme tho 25th October 2023, Indira Gandhi Stadium, Kohima deh lui shae. Etu program deh Advisor NRE aro NSDMA, Nyusietho para grace kuri shae special guest taki kina.

Advisor NRE aro NSDMA, Z Nyusietho Nyuthe para taila address deh etu send-off programme deh part lua tho taila privilege ase kui shae. Volunteers kan National Event karne Amrit Kalash aro pot kan kute state laka mati ase, etu duri nah lui jab oleh ase New Delhi deh. Tai par Amrit Kalash Yatra kuto Meri Maati Mera Desh campaign pitor deh ase, etu tho Azadi Amrit Mahotsav laka culminating event ase kui shae kuto 12th March 2021 deh shuru hui shae. Etu event tho India laka 75years independence mana bole lua ase.

Nyuthe para Azadi Ka Marit Mahotsav tho manu kan kun country karne freedom ani bo pari shae, taikan laka duk tho recognize kuri bole ase kui shae. Aro Meri Mati Mera Desh tho finale programme mark kureh kui nah kui shae. Tai para Meri Maati Mera Desh pitor deh ki ki events conduct kuri shae, etu kan b share kuri shae. Aro culminating programme kuto 30th October 2023, New Delhi deh  lubo leh ase, etu laka b kotha kuri shae.

Home Commissioner, Abhijit Sinha, IAS para taila introductory speech deh, Amrit Kaiash Yatra laka kotha kuri shae kuto Meri Maati Mera Desh campaign pitor deh ase. Tai para Meri Maati Mera Desh campaign tho August 2023 deh shuru hui shae kui shae aro tuia phase taki shae kui shae. First phase deh Memorial plaques nahoileh Shilaphalakam erect kuri di shae, bosti kan deh bishi wak tho, kute bravehearts laka nam b inscribed kuri nah ase.  “Panch Pran” Pledge b citizens kan para lui shae mati hath deh duri nah.

Sinha para programme pitor deh Indigenous tress laka saplings kan b plant kuri shae kui shae. Tai para 1,003 bosti kan deh conduct kuri shae kui shae aro 1,249 Amrit Vatika banai shae kui shae. 93,000 saplings b plant kuri shae kui shae. 2nd phase deh bosti kan para mat ikan jama kuri shae aro Bloack deh patai di shae. Tate para Kohima deh patai di sahe aro 74 selected volunteers kan etu jama kura mati tho New Delhi deh lui jabo leh ase. Tai para 30th October deh, jama kura mati tho ekta garden nahoi leh Marit Vatika deh dali boa se kuto programme tho culminate hobo.

Marit Kalash yatra para, manu kan freedom fighters kan keh yat kuri bo aro tribute dibo kui nah hope kuri ase kui shae tai para. Aro etu kuri nah manu kan laka pitor deh unit laka bond kara kuri bo kui nah hope ase kui shae.