Amrita Rao bara Salman Khan laka manager karne kaam hareshe koishe

Ekta film industry toh ekdam alak duniya ekta ase. Aro enek jakha toh manu khan kun manu khan ke joldi bara vishwas kuri jai edu khan karne aro beshi dektar ase. Amrita Rao bara tai 2007 te tai Industry te notun thakia samoi te dukh bal aka kisa koishe. Tai ekta kana ‘Heyy Babyy’ laka kana te beshi bahal bara olai she aro tai edu kana te beshi hit hoishe aro Tuluu laka films khan te bhi beshi successful debut hoishe edu saal de. Aro bollywood te bhi tai laka kaam beshi success thakeshe. Tai koishe aro edu lokode bhi beshi dangoor rasta khulibole thakia sob bon hoi jaishe koishe. Tai koishe boil ate Salman lkode tai laka co-star olabole thakes taike manu khan bara thoka diyanai koile doh koishe. ETimes khan bara tai laka boila laka samoi ta kunba vishwas nathakia laka kisa kunba janai deshe. Tai koishe  2006 te tai laka samoi beshi bahal thakeshe .Aro edu saal te beshi projects bhi sign kureshe koishe. Edu project te Shyam Bengal Welcome To Sajjanpur bhi takeshe. Hoile edu laka samoi te tai laka manager bara eman bahal film te dibole bara nai edu bara tai ke chari kina aro olop senior manager kun edu khan industry te beshi Network ase aro tai laka PR activities ke improve kurebole motun kura laka busaribole lakeshe koishe. Tai bara tai laka manager te khor te madeshe aro tai laka reason bhi koise aro bahal bara he taijun alak hoishe koishe. Tai edu samoi te beshi batcha thakeshe hoilebe tai bara situation ke beshi thanda bara aro bhabna kuri kina handle kureshe koishe. Tai koishe tai Hyderabad te Tulugu movie bonabole south laka super star Mahesh Babu lokode ja samoi te Hotel Taj Banjara laka lobby te  Mr.Boney Kapoor lokode kaam kura manu ekta ke lok baishe koishe. Edu manu bara taike koishe koishe ki aji tai edu film te thakanai koile tai edia samoi te Salman Khan lokode ‘Wanted’ laka movie bonai thakibole thakeshe koishe. Aro tai edu huni kina beshi asurat khaishe aro taike koishe “Moi edu film karne kedia hudeshe” tai beshi confused thakeshe koishe. Manager bara koish eki taike phone kureshe hoilebe tai laka manager bara tai laka edu film karne time nai koishe. Amrita koishe tai edu offer aheshe koile tai lobole thakeshe koishe. Tai laka burana manager bara tai karne eneka kurebo eneka ektam visahwas thakanai koishe. Tai edu khoboe huni kina mon ektam bekhai she koishe. Tai aro Salman khan eke lokode film bonaile kiman bahal hobole ase na koishe. Tai laka life tee man dangor moka ahia ke tao lobole nabaria toh beshi montuk laka khobor ase.