CHANDIGARH, NOVEMBER 24 : Jua jua Amritsar District laga Nirankari Satsang Bhawan te Grenade Bomb pora besi biya pora hamla huise. Etu ke 3 jun manu muraidese aro 15 jun logot jukum kuridese. Etu oporte etu hamla hua toh prathana kura khor te hua laga ase koise. Etu karne Punjab Police pora khobor te Saturday din asulte etu Grenade bomb pora hamla kura manu toh thurikena ase koi kena janaise.Etu manu laga naam toh Avtar Singh koi kena mati. Aro tai laga haat porabi puntuk kan aro tusera ki-ki hadiyar kobi kooli kan bi melekena baise koi kena, Punjab Director General Police (DGP) Suresh Arora pora Media khobor te pora janaise. Aro etu hamla kura time te tai logot eke pora melekena thaka Bikramjit Singh kebi Punjab Police kan pora Wednesday din thura laga ase. Aro etu Bikramjit logot toh 5 din nemite Police laga haat te kotha hutha-huthe kuribole karne rakha laga ase koise. Etubi Ajnala Town laga Court pora rakhibole koa karne.
Amritsar te Grenade Bomb pora asulte hamla kura thurise
Add Comment