Agencies, 17 August: Amrullah Saleh nejor para as Afghan ‘care taker’ president hisab te declare korise. Twitter te vice-president para nejor ke desh laga ‘care taker’ president hisab te declare korise.
Tai para lekha te koise, Afghanistan laga constitution hisab te, President laga absence, escape, resignation nahoile mora te, FVP toh caretaker President hoi. Tai toh etiya tai laga desh pithor te ase aro tai toh legitimate care taker President ase koise. Tai toh sob leaders ke tai khan laga support aro consensus secure koribole nemite ponji ase koise.
Sunday te Saleh toh underground hoija thakise aro tai para Taliban ke ketiya be bow down nakoribo koise. Tai para tai ke hona millions manu khan ke dis-appoint nakoribo koise. Tai toh etiya be Taliban logote one ceiling pithor te nathakibo koise.
Afghanistan President Ashraf Ghani toh Sunday din jevaan bachai kena desh para Tajikistan te National Security Adviser Hamdullah Muhib aro head of the administrative office of President Fazel Mahmood Fazli logote polaija thakise. Kelay koile Taliban para Kabul, Presidential Palace te kaabja kora nemite. Konbah Afghanistan’s lawmakers be Islamabad te polaija thakise. Afghan media para Speaker of Afghan parliament Mir Rahman Rahmani, Younus Qanuni, Muhammad Muhaqeq, Karim Khalili, Ahmad Wali Masoud, aro Ahmad Zia Masoud toh Islamabad te polaise koise.
Taliban para Afghanistan te power seized kora toh tui hapta agae U.S para sepai khan pura-puri withdraw nakora agae te ase.
Add Comment