New Delhi, 25 March : Agey par karney, Amul fresh milk toh India laga bahar dey pawo, kitia itu Gujarat Cooperative Milk Marketing Federation (GCMMF) para US market dey ek haafta pitor dey duud laga four variants launch kuriboley asey, Indian community aro Asian population ke cater kuriboley.
“Muikhan bishi decades karney dairy products export kuri asey. Itu toh agey par asey kitia mhikhan India laga bahar tazaa duud launch kuri asey,” GCMMF MD Jayen Mehta para news agency PTI ke kuishey.
Tai kuishey “GCMMF para 108-saal cooperative organisation Michigan Milk Producers Association (MMPA) logot tie kurina US market dey itu taaza duud launch kuriboley asey,” Itu duud collection aro processing toh MMPA para kuribo, kitia GCMMF para marketing aro Amul tazaa duud laga branding kuribo.
Mr Mehta kuishey taaza duud toh New York, New Jersey, Chicago, Washington, Dallas aro Texas dey pawo alag jagah maju dey.
GCMMF para non-resident Indians (NRIs) aro Asian population ke target kuribo.
Selling target laga hudina, tai kuishey GCMMF para ahia 3-4 mahina karney branding aro marketing dey focus kuribo.
Mr Mehta kuishey GCMMF para paneer, curd aro butter milk nishna taaza duud products khan ahia din dey launch kuribo.
2022-23 fiscal saal homoi, GCMMF laga turnover toh ₹ 55,000 crore nishna dey uthishey, jaa saal para 18.5 per cent uthishey.
GCMMF para 50 desh nishna dey dairy products export kuri asey.
Add Comment