Amaravati, 05 August: Monday din Andhra Pradesh laga East aro West Godavari districts deh floods para one lakh opor manu khan ke affect korise.
Monday din State Disaster Management Authority para report deya deh koise, “tuita districts deh flood howah paani levels toh asti para nami ase”.
Report deh koise, “Flood para East Godavari district laga 80 thousand opor manu khan ke dethari deshe aro West Godavari district deh 26 thousand opor manu khan ke dekthari deshe. Hooilebe flood para etiya tak manu mora laga khobor toh ahha nai”.
Authority khan para report deh aro janaideya toh, “Chintur, Kunavarm, Polavaram, aro Dowaleswaram nesana area deh paani laga level toh namise.Hoilebe first level warning alert toh jai ase (continue) kelay koile noti (river) toh first level warning mark opor deh thaga nemide”.
Report deh be koise, Telangana laga Bhadrachalam district deh paani laga level toh asti para nami ase. Hoilebe August 5 direk saam deh 1st warning level toh sati para otha thakibo pari.
Report hisaab deh, East Godavari jaga laga 85 relief camps deh 18,809 manu khan ke shift korise. 85 medical camps toh East Godavari deh olaise. West Godavari jaga laga two relief camps deh 133 manu khan shift korise.
August 5 direk tuita district deh nai nai koilebe 400 bosti khan paani para cover hoise. Etu toh region deh ektum bhari paani kera nemide ase.
Andhra Pradesh State Disaster Management Authority (APSDMA) para officials khan ke flood-affected regions deh thek para saijabole koise.
District laga alak alak jaga deh National Disaster Response Force (NDRF), State Disaster Response Force (SDRF) aro fire fighting teams toh pothaise. State Disaster Management Authority (SDMA) be affect howah area deh aerial survey loi ase.
Add Comment