Agencies, 03 September: Andhra Pradesh government para online games- rummy aro poker nesana toh bondh koribole fesla korise. Etu toh youth ke bachabo nemide fesla ase koise. Sate cabinet toh Chief Minister Y S Jagan Mohan Reddy laga chairmanship pithor te meeting lowa thakise aro onling gambling toh bondh koribole fesla korise.
Cabinet meet bechide Information Minister Perni Venkataramaiah (Nani) para reporters ke koise, online gambling toh ekta vice (associate) hoise. Etu para mislead korikena youth ke beya kori ase. Nani para etu nemide tai khan youth ke bachabo nemide sob online gambling toh bondh koribole fesla korise koise.
Tai aro koise, “Judi online gambling games laga organizers second par nemide thura paise koise tai khan ke tui sal laga jail logode fine saja pabo. Kon online gambling games kheli etu khan ke choi moina laga jail saja debo”.
Cabinet fesla hisaab te, online gambling laga organizers ke first galdi nemide ek sal laga jail logode fine saja pabo. Second galdi nemide jail saja toh tui sal logode fine te othise. Aro kon online games khelikena pai etu khan ke choi moina laga jail saja debo.
Add Comment