AMARAVATI, OCTOBER 3 : Veteren Telugu Desam Party Leader, Educationist aro Andhra Pradesh Legislative Council MVVS Murhty laga member toh rasta te kari chamala pora murise. Etubi United State of America (USA) te koi kena , tai kan Party khobor pora Amaravati te Wednesday din janaise. Aro tai mura time te tai 76 sal toh huise koise.
Etu MVVS Murthy bi Lok Sabha member nemite Visakhapatnam jaka pora 2 bar hua laga ase. Etubi 1991 sal pora 1996 sal dak aro 1999 sal pora 2004 sal dak. Khobor hisabte tai mura toh ekela nahui kena tusera 3 jun bi murise koise. Aro etu mura toh Chotu kari aro Dangor kari (car-truck) laka-laki huikena hua laga ase. Etubi US desh laga Alaska jaka osorte. Aro etu chamala hua toh tai October 6 te GITAM Alumni meeting thakibole thaka ke jaa time te hua laga ase koise.
Etu Lawmaker mura kao nemite Telugu Association of North America members kan pora US Authorities kan ke wabas anedebole janaide thakise koise. Aro tai mura nemite bi Chief Minister N Chandrababu Naidu, tai (CM) laga Deputies kan kobi KE Krishna Murthy, N China Rajappa, Council Chairman N Md Farook, Assembly Speaker Kodela Sivaprasada Rao, Ministers aro Lawmakers kan kobi Ministers Yanamala Ramakrishnudu, KK Venkata Rao, Kalava Srinivasulu, Sidda Raghava Rao, N Lokesh, lawmakers Kesineni Srinivas, Kanakamedala Ravindra Kumar, Nandamuri Balakrishna, C Ramachandraiah aro tusera kan sob pora mondukh kotha janaide thakise koise.
Add Comment