Andhra Pradesh te train para 5 jun moraishe

GUWAHATI: Andhra Pradesh, Srikakulam te train accident te 5 jun mora pithor te tin(3) jun manuh toh Assam laga manuh ase koikena jenishe. Etu tin(3) jun manuh toh Pasumantri Vajulu, Banishar Basumairy, aro Rashidul Islam aro tai khan toh sob Assam manuh ase koikena jenishe. Etu hatsa te tui(2) jun manuh laga nam toh jeniboli khobor loi-ase. Monday rathi Andhra Pradesh’s Srikakulam district te 5 jun manuh ke train para moraishe koishe. Etu 5 jun mora manuh toh Guwahati-bound superfast express te thakishe aro tai khan laga train toh technical issue nemite rokina thaka samai next railway track te jaikena thakishe, koikena authorities para khobor toh janaishe. Etu manuh khan ke toh Konark Express para ahikena moria deya ase koishe.  Srikakualm district te Cheepurupalle aro G Sigadam railway stations majot te compartment para smoke olai thaka thika nemite, konuba Coimbatore passengers- Silchar Express laga chain toh pulled korishe, koikena police para khobor toh janaishe.