Vishakapatnam, November 1 : Andhra Pradesh laga Vizianagaram district laga Kantakpalli aro Alamanda laga majotey 08532 Visakhapatnam-Palsa Passenger train aro 08504 Visakhapatnam-Rayagada Passenger train logotey takar mara picheyte etu train khan te buhi thaka passenger murija laga number tu 13 te pungchijaisey.
Official kahn para suspect kuri asey ki Visakhapatnam-Rayagada Passenger train laga loco pilot para signal ke overshot kuridisey aro Palsa passenger train ke takar marisey. Dusra fale Palsa passenger train tu pichey fale para speed ke astey kurikina thakisey.
Waltair Divisional Railway Manager (DRM) Saurabh Prasad para koisey, “ Manu mora laga number barija te confusion ola tu victim khan laga gao laga hisa alag alag hoija nimitey asey.
Commissioner of Railway Safety (CRS0 kun para October 30 te etu accident huwa jaga ke visit kurisey tai para train laga crew khan boha jaga ke check kurisey aro train laga official aro crew member khan logotey discussion kurisey.
Etu homoitey kunba train khan cancel hoijaisey aro kunba train khan laga timing bodli kuridisey.
Add Comment