Tokyo, 7 April : Mercedes laga rookie driver Andrea Antonelli, juntu Sunday din Japanese Grand Prix te sixth finish korise, onlookers ke impress korise aru duita important record todi luishe. Tai etiya race te fastest lap set koribo laga sob pora youngest driver bonise, aru ekta race lead koribo laga sob pora youngest driver bhi, karon tai 10 laps tak Suzuka te frontrunner thakise.
Sirf 18 saal aru 224 din umr te, Antonelli Japan race te 1 minute 30.965 seconds laga lap timing dishe, aru Max Verstappen laga 2016 Brazilian GP te set kora record — 19 saal aru 44 din te fastest lap — ke todise.
Italian youngster, juntu Mercedes te Lewis Hamilton ke replace koribo karone luishe — Hamilton etiya Ferrari join korise — Friday aru Saturday laga struggles bhulai diya pora race day te ekta outstanding performance dishe.
Antonelli koise ki Suzuka laga performance ke tai ekta motivator hisap te lobo, tai laga first race win achieve koribo karone.
Dusra side te, Verstappen etiya season laga first race win loi luishe, pole pora chequered flag tak lead kori, Suzuka te tai laga fourth straight title jiti luishe. McLaren laga Lando Norris aru Oscar Piastri second aru third position te finish korise, Dutch driver laga pichete.
Add Comment