France, 8 April : World number nine Andrey Rublev European claycourt swing shuru howar age duita Grand Slam champion Marat Safin ke nijor coaching team te luisey, kintu Rublev already jani ase ki Safin kaam enjoy na korile tai dangor time tak na thakibo.
Rublev bhal dhorika te khelibo try korile bhi bhalke nijor emotion control koribo nuware, aru bisi outburst diya karone tai laga game sobole komti hoijay. Kintu 27 saal laga Rublev February month te Doha title jitaar pichat koi disey ki Safin logot kotha patikar karone bhal help paise.
Etu haapta laga Monte Carlo Masters suru howar age Rublev officially former world number one Safin ke hire korise, aru tai asha korise ki Australian Open aru U.S. Open champion Safin logot ekta long-term aru successful partnership hobo.
Safin bhi nijor player time te bisi racket bhangise, tai bhi outburst te experience ase. Rublev asha korise ki Safin laga experience tai ke nijor problem handle koribole help koribo.
Monte Carlo te Rublev second round te French veteran Gael Monfils logot khelibo.
Add Comment