Andy Murray para Novak Djokovic keh coach kuri bole ase

November 24, 2024: Olop din agae deh retire hua Andy Murray, Novak Djokovic lokot deh team up kuri bole ase. Tai coach laka kam kuri bole ase, Australian Open karne, kuto January mohina deh ase. “Muila sobse greatest rival ekta tho muila coach taki bo ase kui nah mui josh deh ase,” Djokovic para kui shae. “Season laka shuru karne aro Andy lokot deh, Australia deh compete kuri bole mui agae sai ase.” Djokovic tho ekta 24 time Grand Slam champion ase, kun tennis history deh sobse deri No.1 deh bua player ase. Murray para teentha major trophies aro tuita Olympic singles gold medals jiti shae aro ATP rankings 2016 sal deh top deh kotom kuri shae. August mohina deh taka Paris Summer Games piche deh tai retire hui nah ase. “Offseason deh mui Novak laka team keh join kuri bole ase. Mui taike Australian open karne ready kuri d bole motot kuri bo,” Murray para kui shae. “Mui bishi excited ase aro ekta change karne, Novak lokot deh net share kuri bole agae sai ase.” Taijun b 37 sal ase aro taijun laka birthday tho khali ek hapta dur ase. Taikan juniors taki nah ekjun ekjun lokot deh kila shuru hui shae aro professionals deh taikan 36 times ekjun ekjun keh mili shae. Tateh Djokovic advantage deh ase, 25-11 lokot deh.