Florida, 16 April : Andy Murray toh jaa mahina Miami Open dey tai ankle jokhum hua dey surgery naluwo huilewi tai wapis ahiwoleh eku timeline dianai, BBC para Monday dey report kurishey.
Itu 36-saal Scot toh tai laga deciding set dey ankle jokhum huishey Czech laga Tomas Machac khilaf southern Florida dey aro itu mahina laga Monte Carlo Masters aro Munich Open para withdraw kurishey.
Former world number one aro three-times Grand Slam champion Murray, kun 201o dey hip resurfacing surgery luishey, jaa par kuisheh ki tai itu summer laga agey eman plan kurianai huilewi alag Olympics dey compete kuriboley hope kuri asey.
Murray para bhi kuishey ki tai French Open dey khiliboley hope kuri asey, kuntu Roland Garros dey shuru huwo May 26 dey.
Wimbledon, kutey Murray tuibar champion huishey, July 1 dey shuru hui aro itu Paris Games toh utu mahina deri dey shuru hui.
Add Comment