Anemia Awareness Aru Screening Camp Loishey Wokha Tey

October 06, 2025, 05:05 PM: Rashtriya Poshan Maah 2025 laga part thaki kena, itu Social Welfare laga department para, CDPO, Wokha Project under tey, ek-din laga Anemia awareness cum screening camp organize kurishey, 4^th October, 2025 tey, adolescence chukri khan nimitey, Urban Health Centre, Wokha tey, itu Health aru Family Welfare laga Department, Wokha logotey collaborate kuri kena. Adolescence chukri khan opor tey health awareness highlight kurishey, Wokha laga Medical Officer – Dr. Chonben Ezung para. Tai para state kurishey ki, itu menstrual hygiene laga topic toh hoiley sorom khaboley laga eku nai itu society para, hoilebi awareness banaboley toh hoiley lagi asey, itu community khan bhitor tey, bhal health care nimitey. Dr. Thungrhoni Kikon, Medical Officer para oral hygiene aru dental care laga importance bhi highlight kurishey aru Wokha laga citizen khan ke urge kurishey, itu free dental check up provide kuria laga opportunity avail kuriboley, kuntu toh hoiley Urban Health Centre tey available thaki kena asey, CMO, Office, Wokha ke attach thaki kena.