December 5, 2024: Traditional Naga Style deh tug of war tho Naga Heritage Village Kisama laka main arena deh lui shae, Hornbill Festival laka hui taka 24th Edition time deh.
Tug of War tho ekta Naga traditional sports ase, kuto para community spirit boost kuri bole aro alak alak levels deh participates kan keh compete kuri bole potential ase.
Participants kan tho tribal troupes para taki shae. Sob tribe para aatha participants kan taki shae, kun kan alak alak districts para ahi shae, Nagaland laka tribes kan keh represent kuri nah. Event tho Department of Youth, Resources & Sports para organize kuri shae.
Mota category karne first place tho Angami tribe para jiti shae. Second tho Garo tribe para aro third tho Konyak tribe para. Maike laka category deh first place tho Angami tribe para jiti shae. Second tho Sangtam tribe para aro third tho Kachari tribe para. Mota aro maike karne jita teams kan Rs 25,000 cash prize jiti shae. Runners up kan tho Rs. 15,000 jiti shae aro third prize tho Rs10,000 jiti shae.
Add Comment