Los Angeles, 11 January : California te destructive wildfires laga karone, Angelina Jolie nijor uporte step up kurise aru need thaka manu khan ke madad kuribo karne aage ahi ase. PEOPLE laga ekta source pra janai dibi, 49 saal laga actress Los Angeles area pra evacuate kuribo force hoise thaka tai laga friends khan karne nijor ghar khuli dise, aru idu crisis te shelter di ase.
Pacific Palisades te lagi thaka fires, junu area te Hollywood laga dangor stars bhal para thaki ase, Los Angeles laga itihas te ekta destructive wildfires hisab te label kurise. Los Angeles County Department of Medical Examiner (DME) laga hisab te January 10 Friday din tak idu ravaging fires 11 jon laga jibon loijai dise.
Eaton fire aru Palisades fire milaike, junu Pasadena te lagi thakise, officials laga hisab te 10,000 structures, juntu te ghar aru offices bhi ase, pura ashes te change hoijai dise. Idu crisis te bohut manu laga ghar haarise, juntu te celebrities like Leighton Meester aru Adam Brody, Anna Faris, Ricki Lake, Cary Elwes, Cameron Mathison aru bishi manu bhi include ase.
Dusra celebrities bhi devastating wildfires pra affect hoise thaka manu khan ke support kuribo uthi ahi ase. Halle Berry Instagram te share kurise ki tai Sharon Stone logot milaike tai laga pura closet donate kuribo, basic clothing provide kuribo karne.
Meghan Markle aru Prince Harry bhi Angelina Jolie logot milaike nijor ghar evacuees ke shelter di ase, juntu fires pra displaced hoise. Tai sob milaike, Jamie Lee Curtis aru tai laga husband Christopher Guest bhi ekta generous $1 million donation pledge kurise victims khan ke help kuribo karne. Idu sob milaike Hollywood pra ekta dangor solidarity show kurise idu challenging time te.
Add Comment