ANI para Netflix laga khilaf te case file kurise

New Delhi, September 09 : Anubhav Sinha para direct kora series IC 814: The Kandhar Hijack te 1999 te Indian Airlines Flight IC-814 hijack huwa laga bari te dikhai. Etu 6ta episode thaka chutu series tu August 29, 2024 para dikha suru hoisey. Etu series te Kathmandu para Delhi tak ja  flight te buhi thaka passenger laga darawana experience dikhaisey jitya etu flight ke dusra jaga  Kandahar fale divert kurikina loijaisiley. Etu series te India laga hawai jahaj laga etihas te experience kora etu darawana ghotna dikhabole kosis kurisey. Etu series te, Vijay Varma, Dia Mirza aro Naseeruddin Shah nisna mashoor actor para act kurisey. Etu film tu kanooni jhamila khan te girisey. Aro sobsey nutun case tu news agency ANI laga taraf para ahisey kun para iljam lagaisey ki etus eries bana manu khan para taikhan laga permission noloikina poila shoot kurikina rakha footage(video) cholaisey. Bar and Bench para diya ekta report hisap te, ANI para Netflix aro IC 814 bana manu khan laga khilaf te ekta kanooni karawahi file kurikina charta episode hataidibole demand kurisey kuntu te license thik thak nathakikina dangor manu, jaiseki Prime Minister Atal Bihari Vajpayee aro General Pervez Musharraf ke dikhaisey. Delhi High Court para etu complaint ke acknowledge kurikina etu mamla te hearing kuribole nimitey ekta schedule rakhisey.