Anil Deshmukh laga assistant ke thurishe

Mumbai: Mumbai te special PMLA court para former Maharashtra home minister Anil Deshmukh laga assistant tui(2) jun ke money laundering case te July 20 darik dak judicial custody te rakishe, tai jun oper te Rs 100 crore neshina bribery charges ase koishe. Enforcement Directorate (ED) para Mr Deshmukh’s personal secretary Sanjeev Palande aro personal assistant Kundan Shinde ke June 26 darik te thurishe. Tai jun logot Prevention of Money Laundering Act (PMLA) te alag-alag hokom pithor te booked korishe. Tai jun ke ED remand te bohi thaka kotom howa samai special judge SM Bhosle osor te loikena jaishe. Court para judicial custody te te thakiboli junaishe. Olop din akhe ED para court logot koishe ke, etu tui(2) jun para besi tangor part loikena kam korishe koishe. Etu din akhe, Mumbai police commissioner Param Bir Singh para Chief Minister Uddhav Thackeray logot letter lekishe ke, Mr Deshmukh toh home minister thaka samai policeman Sachin Waze ke Mumbai te Rs 100 crore hotai moina bars aro restaurants para othai thakishe koishe. Mr Deshmukh aro dosura manuh oper te ED’s case te Central Bureau of Investigation (CBI) para preliminary enquiry korikena Mr Singh ke Bombay High Court laga hokom hesab te sawal korishe. CBI khan para Mr Deshmukh aro dosura khan ke Indian Penal Code (IPC) sections te criminal conspiracy aro Prevention of Corruption Act pithor te “advantage loikena public duty kora samai chor kam korishe,” koishe. Mr Deshmukh para etu saal April moina te putam powa nemite home minister para resigned korishe aro tai para beya kam eku koranai koishe.