Anil Kapoor Big Boss OTT 3 host kuribole asey

Mumbai, June 06 : Etu official hoijaisey! Bisi promotional material khan para Big Boss laga host bodli hobole asey koikina hint kora picheyte, Jio Cinema para akhirkar announce kurisey ki Anil Kapoor tu Big Boss OTT, season 3 laga nutun host asey. Etu OTT platform para etu official announcement tu Thursday din te kurisey.  Aro etu announcement tu ekta poster aro etu logotey etu show kitya para dikha suru hobo etu laga tarik likhikina share kurisey. Bigg Boss laga digital(online te dikha) edition laga first season te Kahar Johar para host kurisey. Second season tu Salman Khan para host kurisey. Aro season 3 laga sobsey latest host tu Anil Kapoor hobole asey. Fans khan tu Anil ke host laga jaga luwa dikhikina ekdam excited hoikina asey. Big Boss OTT 3 laga bari te aro bisi janibole nimitey fan khan June 21 tak rukhibo lagibo.